<
लोहारा ता. पाचोरा जि.जळगाव (रिपोर्टर ईश्वर खरे)गायरान जमिनीवरील अतिक्रमण नियमित करून भूमिहीन शेतमजूर दलितांना न्याय देण्याच्या मागणीसाठी केंद्रीय राज्यमंत्री ना.रामदास आठवले यांच्या आदेशानुसार रिपब्लिकन पक्षाच्या शिष्टमंडळाने आज मंत्रालयात महसूल मंत्री राधाकृष्ण विखे पाटील यांची भेट घेतली. यावेळी झालेल्या चर्चेत गायरान जमिनीवरील अतिक्रमण निष्कसित करण्यात येणार नसल्याचे आश्वासन ना.राधाकृष्ण विखे पाटील यांनी रिपब्लिकन पक्षाच्या शिष्टमंडळाला दिले. यावेळी रिपब्लिकन पक्षाचे राज्य सचिव सुमित वजाळे आणि रिपाइंचे नवी मुंबई जिल्हा अध्यक्ष महेश खरे यांनी शिष्टमंडळाचे नेतृत्व केले.
गायरान जमिनीवरील अतिक्रमण नियमित करण्यासाठी ना.रामदास आठवले यांच्या नेतृत्वात रिपब्लिकन पक्षाने केलेल्या आंदोलनाला यश आले असल्याची माहिती सुमित वजाळे यांनी दिली.
