लोहारा ता. पाचोरा जि .जळगाव (रिपोर्टर ईश्वर खरे)
सविस्तर वृत्त असे की , हीवरखेडे येथील दैनिक देशदूत चे प्रतिनिधी बाळू पाटील, यांचे चिरंजीव श्री तुषार पाटील यांच्यावर 25 डिसेंबर रोजी रात्री सात ते साडेसात वाजता दरम्यान दोन अज्ञात व्यक्तीने तलवारी, किंवा चापर ने वार केल्याची धक्कादायक प्रकार उघडकीस आला आहे. त्याच बरोबर दोन्ही अज्ञातांनी लाथा बुक्क्यांनी बेदम मारहाण करत जिवे मारण्याची धमकी दिली आहे. जामनेर तालुक्यातील गुंडाराज दिवसेंदिवस वाढत असल्याने सर्वत्र दहशती चे वातावरण पसरत आहे. सदर हल्याचा प्रकार हा चक्क पत्रकाराच्या च मुलावर च झाल्याने लोकशाही चौथा स्तंभ यावर च जणूकाही तोंड दाबून बुक्क्यांचा मार तर नाही ना असा प्रश्न उपस्थित होत आहे. त्यात तुषार पाटील हा नुकत्याच एल आय सी पॉलिसीत जळगाव जिल्ह्यातील अग्रस्थानी मान पटकवल्याने ही काहींच्या जिव्हारी लागल्याची शक्यता वर्तवली जात आहे.
तसा तुषार पाटील यास फोन द्वारे ही धमक्या या दोन दिवसात आल्या होत्या आणि त्याच अनुषंगाने तुषार वर हा प्राण घातक हल्ला झाल्याचे आढळून येत आहे. तरी जामनेर पोलीस निरीक्षक यांनी तात्काळ अश्या दहशत निर्माण करणाऱ्यावर तात्काळ कारवाई करण्यात यावी अशी जामनेर यांच्याकडून मागणी होत आहे.
