<
लोहारा ता. पाचोरा (रिपोर्टर ईश्वर खरे)
पाचोरा तालुक्यातील पिंपळगाव हरेश्वर पोलीस स्टेशन मध्ये अर्ज असलेल्या दोन पोलीस कर्मचाऱ्यांना पदोन्नती प्राप्त झाली आहे. यामध्ये हवालदार पदावरून सहाय्यक फौजदार पदी अरविंद मोरे यांना बढती मिळाली आहे तर पोलीस नाईक या पदावरून हवालदार या पदावर अरुण राजपूत यांची बढती झाली आहे.
पिंपळगाव हरेश्वर पोलीस स्टेशनचे सहाय्यक पोलीस निरीक्षक प्रकाश काळे व महेंद्र वाघमारे पोलीस उपनिरीक्षक अमोल पवार यांच्या हस्ते फित लावून सत्कार करण्यात आला. यावेळी पिंपळगाव हरेश्वर पोलीस स्टेशनचे सर्व कर्मचारी उपस्थित होते. मिळालेल्या या पदोन्नतीमुळे सहाय्यक फौजदार अरविंद मोरे व हवालदार अरुण राजपूत यांचे सर्वत्र अभिनंदन होत आहे.
