<
फैजपूर-(प्रतिनिधी) – तापी परिसर विद्या मंडळ संचालित धनाजी नाना महाविद्यालय विद्यार्थी सहकारी ग्राहक भांडार, फैजपूर च्या चेअरमन पदी डॉ. जगदीश खरात यांची सर्वानुमते बिनविरोध निवड करण्यात आली. त्यांच्या निवडी निमित्त महाविद्यालयातील प्राध्यापक मित्र परिवारातर्फे प्रा.डॉ जगदीश खरात सरांचा सत्कार करण्यात आला. कार्यक्रमाला उपप्राचार्य डॉ.एस.व्ही. जाधव, प्रा. डी.बी. तायडे, प्रा. डी.आर. तायडे तसेच क.ब.चौ.उ.म.वि.चे मानव्यविद्या शाखेचे अधिष्ठाता प्रा.डॉ.जगदीश पाटील, विद्यार्थी विकास अधिकारी डॉ.विजय सोनजे, डॉ.एस.एल. बिऱ्हाडे यांच्यासह महाविद्यालयातील बहुसंख्य प्राध्यापकांची उपस्थिती होते.
सदर कार्यक्रमाचे प्रास्ताविक प्रा.डॉ.गोविंद मारतळे यांनी केले.तसेच ग्राहक भांडाराच्या सर्व सभासदांना सोबत घेऊन उत्तरोत्तर प्रगतीसाठी प्रयत्न करणार असल्याचे प्रतिपादन नूतन चेअरमन डॉ.खरात यांनी केले. कार्यक्रमाचे सूत्रसंचालन व आभार डॉ. सागर धनगर यांनी केले कार्यक्रमाच्या यशस्वीतेसाठी डॉ.योगेश तायडे, प्रा.विवेक महाजन, प्रा. विजय तायडे. यांनी प्रयत्न केले. त्यांच्या निवडी बद्दल संस्थेचे पदाधिकारी, महविद्यालयाचे प्राचार्य यांनी अभिनंदन केले व शुभेच्छा दिल्या.
