<
पाळधी/जळगांव(प्रतिनीधी)- नोबल इंटरनॅशनल स्कूल पाळधी येथे राष्ट्रपिता महात्मा गांधी यांच्या १५०जयंतीनिमित्त पाळधी, एकलग्न, मुसळी, पथराड, सावदा या ठिकाणी शाळेतील १ली ते ५वीच्या सर्व विद्यार्थ्यांचे गटांमध्ये विभाजन करून सर्वप्रथम शाळेत लाल बहादूर शास्त्री व महात्मा गांधी यांच्या प्रतीमेला पुष्पहार अर्पण करून अभियानास सुरुवात करण्यात आली. प्रथमतः शाळेची सफाई करुन विद्यार्थी विविध गावांना मार्गस्थ झाले. प्रत्येक गावातील ग्रामपंचायत व गावातील परिसर स्वच्छ करून स्वच्छतेवर आधारित पथनाट्य सादर करण्यात आले.
पाळधी येथे ना.सहकार राज्यमंत्री गुलाबराव पाटील यांनी सदिच्छा भेट घेऊन विद्यार्थ्यांना प्रोत्साहित केले. यावेळी मोठ्या पाळधीचे सरपंच प्रकाश नाना पाटील, लहान पाळधीचे सरपंच सुनंदा माळी, पाळधी पो.स्टे.चे स.पो.नि. गायकवाड, मौलाना आझाद फाउंडेशन चे अध्यक्ष फिरोज शेख, शाळेच्या चेअरमन अर्चना सुर्यवंशी, प्रशांत सुर्यवंशी, मुख्याध्यापक योगेश करंदीकर, उज्वला झंवर शाळेतील सर्व शिक्षक शिक्षकेतर कर्मचारी यांचे सहकार्य लाभले.
