एरंडोल-(शैलैश चौधरी) – तालुक्याचे धडाडीचे नेतृत्व माजी आमदार डॉ.सतीष पाटील यांनी आज आपला उमेदवारी अर्ज असंख्य कार्यकर्त्यांच्या साक्षीने वाजत गाजत ढोल ताशांच्या गजरात प्रांताधिकारी तथा निवडणूक अधिकारी विनय गोसावी यांच्याकडे सादर केला. अर्ज दाखल करतांना डॉ. सतीष पाटलांचे हीतचिंतक,निष्ठावंत कार्यकर्ते खालीलप्रमाणे प्रा.मनोज पाटील, प्रशांत पाटील,अमीतदादा पाटील, अभिजीत पाटील,विवेकदादा पाटील, रविंद्र पाटील,पराग पवार ,डॉ. राजेंद्र देसले,राजेंद्र शिंदे सर,डॉ.फरहाज बोहरी व नगरसेवक बबलूभाऊ चौधरी तसेच खंदे समर्थक उपस्थित होते. एरंडोल तालुक्याच्या विकासास सर्वतोपरी चालना देणार असल्याचे त्यांनी यावेळी सांगीतले, डॉ. पाटील यांच्या पाठीशी असलेले निष्ठावंत कार्यकर्त्यांचा उत्साह तसेच असलेले प्रेम पाहता पाटील यांना गहीवरून आले होते,जनतेच्या विश्वासास आपण पाञ राहू अशी ग्वाही त्यांनी यावेळी बोलतांना दिली,मी दाव्यानं सांगेल की राष्ट्रवादीचा झंझावात फार मोठ्या दिमाखात पूर्ण तालुक्यात,जिल्ह्यात तसेच देशात झाल्याशिवाय राहणार नाही.विरोधी पक्षातील लोकंच त्यांना त्यांची जागा दाखविल्याशिवाय राहणार नाहीत ,माझ्या मतदारसंघाच्या जबाबदार्या व कार्यकर्त्यांचा विजय राष्ट्रवादी-काँग्रेस चा विजय मिळविल्याशिवाय राहणार नाही असा विश्वास त्यांनी याप्रसंगी प्रतिनिधिंशी बोलतांना दिला.