जळगाव-(प्रतिनिधी)- शहर महानगरपालिका निवडणुकीचा रणसंग्राम आता निर्णायक टप्प्यात प्रवेश करत असताना महायुतीच्या प्रचाराचा अधिकृत शंखनाद उद्या रविवारी, दि. ४ जानेवारी २०२६ रोजी सायंकाळी ५ वाजता होणार आहे. भारतीय जनता पार्टीचे प्रदेशाध्यक्ष मा. आ. रवींद्रजी चव्हाण यांच्या हस्ते पिंप्राळा येथील भवानी मंदिरात महायुतीच्या ७५ उमेदवारांच्या प्रचाराचा नारळ फोडून शुभारंभ करण्यात येणार असून त्यानंतर प्रचंड जाहीर सभेचे आयोजन करण्यात आले आहे.
या भव्य प्रचार प्रारंभ कार्यक्रमास भाजपचे ज्येष्ठ नेते तथा माजी महसूल मंत्री ना. गिरीश भाऊ महाजन, पालकमंत्री ना. गुलाब भाऊ पाटील, केंद्रीय मंत्री ना. रक्षाताई खडसे, मा. ना. संजयजी सावकारे, खासदार स्मिताताई वाघ, माजी मंत्री अनिल पाटील, माजी मंत्री गुलाबराव देवकर, आमदार सुरेश भोळे (राजू मामा), आमदार मंगेश दादा चव्हाण, आमदार चंद्रकांत सोनवणे, आमदार किशोर अप्पा पाटील, आमदार अमोल दादा जावळे, आमदार चंद्रकांत पाटील, आमदार अमोल पाटील यांच्यासह महायुतीतील सर्व प्रमुख नेते उपस्थित राहणार आहेत.
तसेच भाजप जिल्हाध्यक्ष दीपक सूर्यवंशी, शिवसेना (शिंदे गट) जिल्हाप्रमुख विष्णू भाऊ भंगाळे, राष्ट्रवादी काँग्रेस (अ. पवार) जिल्हाध्यक्ष संजय पवार, रिपब्लिकन पार्टी ऑफ इंडिया (आठवले गट)चे नेते अनिल अडकमोल तसेच महायुतीचे पदाधिकारी व कार्यकर्ते मोठ्या संख्येने उपस्थित राहणार आहेत.
यानंतर सायंकाळी ५ वाजता छत्रपती शिवाजी महाराज चौक, पिंप्राळा येथे महायुतीची प्रचंड जाहीर सभा आयोजित करण्यात आली असून या सभेस महायुतीचे सर्व ७५ उमेदवार, भाजप, शिवसेना (शिंदे गट), राष्ट्रवादी काँग्रेस (अ. पवार) व आरपीआय (आठवले गट)चे सर्व पदाधिकारी व कार्यकर्त्यांनी मोठ्या संख्येने उपस्थित राहावे, असे आवाहन भाजप जिल्हाध्यक्ष दीपक सूर्यवंशी, शिवसेना जिल्हाप्रमुख विष्णू भाऊ भंगाळे आणि राष्ट्रवादी जिल्हाध्यक्ष संजय पवार यांनी केले आहे.
