जळगांव(प्रतिनीधी)- आज स्व.जनार्दन सुका खडके स्मरणार्थ जळगाव शहर आंतर शालेय लंगडी जिल्हास्तरीय स्पर्धा वय ९ ते १० वर्ष वयोगटातील मुला-मुलींसाठी भरवण्यात आल्या होत्या. त्यात श्री समर्थ प्राथमिक व माध्यमिक विद्यालय आव्हाणे शिवार जळगाव येथील विद्यार्थ्यांनी घवघवीत यश संपादन केले, मुला व मुलींच्या दोघी संघाने प्रथम क्रमांक मिळवला. त्यात उत्कृष्ट धावपटू म्हणून तेजस ईश्वर सोनवणे या विद्यार्थ्यांनी ३२ संघा मधून प्रथम क्रमांक पटकावला व मुलींच्या गटातून निलिमा सागर जाधव हीने देखील ३२ संघा मधून प्रथम क्रमांक पटकावला. मुलांमधून द्वितीय क्रमांक सिध्दिविनायक प्राथमिक विद्यामंदिर जळगाव तर उत्तेजनार्थ र का भोळे प्राथमिक विद्या मंदिर यांनी मिळवला. तसेच मुलीं मधून द्वितीय सिध्दिविनायक प्राथमिक विद्यामंदीर जळगाव व उत्तेजनार्थ विद्या विकास प्राथमिक विद्यामंदिर यांनी पटकावला. या स्पर्धेला क्रिडा अधिकारी मा. एम के पाटील प्रमुख म्हणून उपस्थित होते. यावेळी सर्व शिक्षक शिक्षकेतर कर्मचारी यांचे सहकार्य लाभले.
