उमलणार एक गुलाबी कळी
खुलणार माझ्या गाली खळी ।।धृ।।
गर्भात माझीया देवा
रेखाटलीस तू रेशीम रांगोळी
स्वर्गातली ती चांदणी
अवतरणार या अंगणी ।।१।।
हृदयी गाणी नयनी पाणी
गर्भरूपी गाभाऱ्यात माझ्या
उतरली वनराणी ।।२।।
अंधारकोठडीत देवा कशी
बांधलीस रे पाण्याची मोट
देवा तुझ्या कृपेने
भाग्य माझ मोठ ।।३।।
चांदण्यात न्हाते स्वप्नात वाहाते
मन हे किती सुंदर झाले माझे
घेऊन सुर्यप्रभा लेवून चंद्रआभा ।।४।।
दिले मज कन्यारत्न असे
जणु माळलेली फुलांची कोमलता
धन्यवाद तूझे करू किती भगवंता ।।५।।
बंद मुठीत बाळा तुझ्या
पुण्य आणि पाप
तुझ्याच हाती दिले देवाने
कर्तव्याचे माप ।।६।।
त्र्यांऐंशी लक्ष नऊशे नव्यांण्णव
योनी फिरूनी चारी खाणी
मग जन्मलीस मानव देह धरूनी
वर्तावा तू बाळा सत्यमार्ग जगती
हिच प्रार्थना सदगुरू प्रती ।।८।।
शितल शांताराम पाटील
शेळगाव जि. जळगाव
9325533279
