श्री संत ज्ञानेश्वर प्राथमिक विद्यालय येथे नेताजी बोस जयंती साजरी

जळगाव : मेहरूण येथील श्री संत ज्ञानेश्वर प्राथमिक विद्यालय येथे नेताजी सुभाषचंद्र बोस यांची जयंती साजरी करण्यात आली. विद्यार्थ्यांनी यावेळी नेताजी बोस यांचेविषयी माहिती दिली. कार्यक्रमाच्या सुरुवातीस सुभाषचंद्र बोस यांच्या प्रतिमेला संस्थेचे सचिव मुकेश नाईक यांनी पुष्पहार घालून प्रतिमेचे पूजन केले. प्रसंगी विद्यालयातील विद्यार्थी तेजस लोखंडे,  उज्वल विनोद देवरे, ऋतुजा वाणी या विद्यार्थ्यांनी नेताजी सुभाषचंद्र बोस यांच्या जीवनाविषयी विद्यार्थ्यांना माहिती दिली.  कार्यक्रमाचे सूत्रसंचालन मुख्याध्यापिका शितल कोळी यांनी केले. कार्यक्रमाला मोठ्या संख्येने विद्यार्थी, विद्यालयातील शिक्षक किरण पाटील, रोहिणी शिंदे, आम्रपाली शिरसाठ, छाया केदार, हर्षा काळे,  उज्ज्वला नन्नवरे, साधना शिरसाट, जया पाटील, माधुरी सपकाळे तसेच शिक्षकेतर कर्मचारी उपस्थित होते.