जळगाव-(प्रतिनिधी)-आज २६ जानेवारी प्रजासत्ताक दिनानिमित्त अनाथ मुलामुलींचे बालगृह खडके बु येथे एरंडोल पोलीस स्टेशन चे सहा. पोलीस निरीक्षक श्री स्वप्निल नरवणे, श्री आल्हाद जोशी (पत्रकार सकाळ वृत्तपत्र), श्री शालिकभाऊ गायकवाड , श्री आनंदा चौधरी (भगत) श्री राजूभाऊ धनगर खडके बु. मुलांना खाऊ वाटप करण्यासाठी आले असता योगायोग संस्थेतील मुलगी सोनी गायकवाड हिचा वाढदिवस असल्याने आलेल्या सर्व पाहुण्यांनी तिचे औक्षण करुन केक कापून मोठ्या उत्साहात बालकांसोबत वाढदिवस साजरा केला. संस्थेतील बालकांनी वाढदिवसाच्या निमित्ताने सोनीला शुभेच्छा दिल्या औक्षण करुन मुलींनी स्वागतगीत म्हणून नंतर वाढदिवसाच्या शुभेच्छांचे गीत म्हटले. श्री आल्हादभाऊ जोशी यांनी शेंगदाण्याचे लाडू वाटप केले. श्री आनंदा भाऊ चौधरी यांनी सोनीला नविन कपडे घेण्यासाठी १०००/- रुपये भेट दिले. तसेच शालिकभाऊ गायकवाड यांनी व सपोनि स्वप्निल नरवणे साहेबांनी मुलांना पुढिल उज्वल भविष्यासाठी उत्तम मार्गदर्शन केले आणि भविष्यात पोलीस स्टेशनच्या कर्मचारींकडून जास्तीत जास्त मदत करण्याचे आश्वासन दिले. या निमित्ताने संस्थेस भेट दिल्यामुळे फारच आत्मिक समाधान वाटले असे आपल्या मनोगतात व्यक्त केले. या कार्यक्रमाप्रसंगी संस्थाचालक दादासो.प्रभाकर पाटील यांनी संस्थेला भेट दिल्याबद्दल व सोनीचा वाढदिवस साजरा केल्याबद्दल सर्व पाहुण्यांचे मनस्वी आभार मानले. कार्यक्रमासाठी अधिक्षक प्रमोद पाटील, ज्ञानेश्वर पाटील,गणेश पंडित, तुषार अहिरे , सौ.सारीका पाटील, कासुबाई चव्हाण यांनी परिश्रम घेतले.
खडके बु बालगृहातील अनाथ मुलीचा वाढदिवस साजरा
जैन इरिगेशन-गांधी तिर्थ, जळगाव
ताज्या बातम्या
महारष्ट्रातील घडामोडी तुमच्या मोबाईलवर
