साईसेवा महिला मंडळातर्फे महापौर भारतीताई सोनवणे यांचा सत्कार

जळगाव(प्रतिनिधी)- शहर महानगरपालिकेच्या महापौरपदी बिनविरोध निवड झाल्याबद्दल सौ भारतीताई कैलास सोनवणे यांचा साईसेवा महिला मंडळातर्फे सत्कार करण्यात आला. तसेच यानिमित्त हळदीकुंकू कार्यक्रमाचे आयोजन साईसेवा महिला मंडळातर्फे खोटे नगर येथे करण्यात आले होते. याप्रसंगी महापौर सौ भारतीताई सोनवणे, नगरसेविका सौ प्रतिभा पाटील, नगरसेविका सौ प्रतिभा देशमुख, माजी नगरसेविका सौ शितल चौधरी यांची उपस्थिती होती. कार्यक्रमाची सुरुवात महापौर सौ भारतीताई सोनवणे यांच्या शुभहस्ते श्री साईबाबा यांची आरती करून करण्यात आली, याप्रसंगी साईबाबांच्या भजनाचे आयोजन करण्यात आले होते. मंडळातर्फे महिलांना हळदीकुंकू देऊन भेटवस्तू देण्यात आल्या. कार्यक्रमाच्या यशस्वीतेसाठी साईसेवा महिला मंडळाच्या अध्यक्षा प्रतिभा चौधरी यांच्या मार्गदर्शनात कार्याध्यक्षा वर्षा जाधव खजिनदार सुनंदा चौधरी, सल्लागार लता बिऱ्हाडे, सचिव सुरेखा बाविस्कर, सहसचिव उर्मिला पाटील, सदस्य वंदना बडगुजर, रिटा क्षीरसागर, लता पवार, वत्सला पाटील, लता सपकाळे, देवका चौधरी यांचेसह साईसेवा महिला मंडळ व आदर्श नगर साईसेवा महिला मंडळाच्या पदाधिकारी व  सदस्या यांनी परिश्रम घेतले. कार्यक्रमाचे सूत्रसंचालन लता सपकाळे यांनी केले कार्यक्रमास असंख्य महिलांची उपस्थिती होती.