कुणाल मोरे यांना मौलाना आझाद आदर्श समाजसेवा पुरस्कार जाहीर

जळगांव(प्रतिनिधी)- येथील मौलाना आझाद अल्पसंख्यांक समाज विकास फाउंडेशन द्वारे दिला जाणारा मौलाना आझाद आदर्श पुरस्कार या वर्षी महाराष्ट्र पोलीस बॉईज असोसिएशन चे जळगाव जिल्हाध्यक्ष कुणाल रावसाहेब मोरे यांना जाहीर झाला आहे. त्यांनी असोसिएशन च्या माध्यमातून केलेले उत्कृष्ट समाजकार्य व जनसेवेची दखल घेऊन त्यांना हा पुरस्कार घोषित करण्यात आला आहे. संस्थेचे अध्यक्ष फिरोज शेख यांनी त्यांना नियुक्ती पत्र देऊन या पुरस्काराची घोषणा केली. महाराष्ट्रातील सामाजिक, शिक्षण, साहित्य, पत्रकारीता, क्षेत्रात प्रशंसनीय कार्य करणार्‍या व्यक्तींना या पुरस्काराने सन्मानित केले जाते. पुरस्कार वितरण समारंभ 23 फेब्रुवारी दुपारी १२ वाजता जळगांव जिल्हाधिकारी कार्यालयातील नियोजन भवनात त्यांना मान्यवरांच्या हस्ते सन्मानित केले जाणार आहे. पुरस्कार निवडीबद्दल त्यांचे सर्वत्र कौतुक होत आहे.