<
जळगांव(प्रतिनीधी)- येथील मेहरुण परिसरातील राज प्राथमिक विद्यालयात आज रोजी शिक्षक-पालक सभेचे आयोजन करण्यात आले. या कार्यक्रमाच्या अध्यक्षस्थानी सौ. जयश्री महाजन उपस्थित होत्या. यावेळी पालकांशी विद्यार्थांच्या अभ्यासक्रमावर चर्चा करण्यात आली. तसेच नविन शैक्षणिक वर्षांचे अभ्यासक्रमाबाबतचे नियोजन व विद्यार्थांच्या समस्या या विषयांवर सविस्तर मार्गदर्शन सौ. जयश्री महाजन यांनी केली. प्रसंगी पालकांच्या समस्या जाणून घेतल्या. तसेच वर्गशिक्षकांनी वर्गनिहाय विद्यार्थांच्या प्रगती बाबत तसेच पालकांकडून येणाऱ्या सूचना स्वीकारून समस्या बाबत सखोल मार्गदर्शन केले. प्राथमिक विभागाच्या मुख्याध्यापकानी पुढील विविध उपक्रमाचे नियोजन पालकांना देण्यात आले. कार्यक्रमाचे सूत्रसंचालन एस. ए. खंडारे यांनी केले तर आभार के. डी. बऱ्हाटे यांनी मानले. कार्यक्रमाच्या यशस्वीतेसाठी सर्व शिक्षक शिक्षकेतर कर्मचारी यांनी परिश्रम घेतले.
