‘बाबासाहेबांच्या ‘ मूकनायका’ ची शताब्दी-अशोक पारधे,जळगाव

बाबासाहेब,
तुम्हीच होतात
मूक समाजाचे
खरे नायक.

शिका,
संघटीत व्हा,
संघर्ष करा
तुमच्या या
त्रिमंत्राने
संजीवन मिळाले
अन् तुमच्या मुळेच
बनलो लायक……….
तुम्हीच होते
हात अन् पाय
आज तुमच्या मुळेच
मिळते
दुधावरची साय,

जे बोलू शकत नव्हते
त्यांना बोलते केले
जे चालू शकत नव्हते
त्यांना चालते केले
युगा युगाची
काळी बंधने
मोडून पडली

तुमच्याच विचारांच्या
धारेने
तोडून काढली
तुम्हीच खरे
मूक समाजाचे
नायक.