जळगांव(प्रतिनिधी)- येथील गायत्री पल्सेस चे संचालक तथा समाजसेवक निखील ठक्कर यांना मौलाना आझाद अल्पसंख्याक फाऊंडेशनच्या वतीने मौलाना आझाद आदर्श समाजसेवक पुरस्कार जाहीर करण्यात आला आहे. त्यांनी केलेले समाजहिताचे उत्कृष्ट कार्य तसेच गरीब गरजूंना अन्नदानाचे महान कार्य या जनसेवेची दखल घेऊन त्यांना हा पुरस्कार घोषित करण्यात आला आहे. संस्थेचे अध्यक्ष फिरोज शेख यांनी या पुरस्काराची त्यांना निवडपत्र देऊन घोषणा केली. महाराष्ट्रातील सामाजिक, शैक्षणिक, क्रिडा, पर्यावरण, पत्रकारीता, आरोग्य या क्षेत्रात प्रशंसनीय कार्य करणार्या व्यक्तींना या पुरस्काराने सन्मानित केले जाते. पुरस्कार वितरण समारंभ २३ फेब्रुवारी रोजी सकाळी ११ वाजता जळगांव जिल्हाधिकारी कार्यालयातील नियोजन भवनात त्यांना मान्यवरांच्या हस्ते सन्मानित केले जाणार आहे. त्यांना जाहीर झालेल्या पुरस्काराबद्दल त्यांचे सर्वत्र कौतुक होत आहे.
