भडगांव-(प्रतिनिधी-हेमंत विसपुते) – येथील पोलिस स्टेशन च्या वतीने खाजगी ठिकाणी सी.सी.टिव्ही कॅमेरे लावण्या बाबतचे पत्र दि 27/07/2019 रोजी नगरपरिषद भडगांव मुख्याधिकारी यांना देण्यात आले आहे. भडगांव येथिल मेढ्या मारूती मंदिर, जामामशिद, मर्कस मशिदीचा परिसर, गंजिवाडा परिसर, पारोळा चौफुली, बस स्टॅण्ड परिसर, आझाद चौक, शनिमंदिर,जागृती चौक अशा वर्दळीच्या ठिकाणी सी.सी.टिव्ही.कॅमेरे बसविण्यात यावे यासाठी पत्रक देण्यात आले. भडगांव शहरात बसस्टॅण्ड एरियात चोरीचे प्रमाण व रोड रोमिओंचा उच्छाद, तसेच पारोळा रोडला असणाऱ्या शाळा यामुळे गुन्हेगारीला आळा बसण्यासाठी भडगांव पोलिस स्टेशनचे कर्तव्यदक्ष पो.निरीक्षक धनंजय येरळे यांच्या मार्गदर्शनाने लक्ष्मण पाटील गुप्त विभाग हे सतर्कतेने काम बघत आहेत.
