<
जळगाव : येथील जेसीआय या सामाजिक संस्थेचे जळगाव शाखेचे माजी अध्यक्ष प्रतिक सेठ यांची एरिया सी आणि डी या झोन १३ च्या समन्वयकपदी जेसीआयच्या राज्यस्तरीय सर्वसाधारण सभेत निवड करण्यात आली आहे. निवडीबद्दल त्यांचे सर्वत्र कौतुक होत आहे.
युवकांच्या सर्वांगीण विकासासाठी जेसीआय संस्था जगभरात कार्यरत आहे. जेसीआयची अमरावती येथे राज्यस्तरीय सर्वसाधारण सभा घेण्यात आली. या सभेत झोन अध्यक्ष निर्मल मुणोत यांनी प्रतिक सेठ यांची झोन १३ च्या समन्वयकपदी निवड करून त्यांना शपथ दिली. यावेळी उद्घाटक आशिष दुधे, झोन सेक्रेटरी निलेश देशमुख, माजी अध्यक्ष भारत बजाज उपस्थित होते.
प्रतिक सेठ यांनी जळगावात रक्तदान, आरोग्य तपासणी, युवा कौशल्य विकास प्रशिक्षण कार्यशाळा, महिला सशक्तीकरण कार्यशाळा, राष्ट्रीय एकता कार्यक्रम आदी स्तुत्य उपक्रम राबविले असून त्याची दखल घेण्यात आली आहे. अमरावती येथील सभेला जळगाव जेसीआय अध्यक्ष शरद मोरे, ऋषभ शहा, यशोधन पाटील उपस्थित होते. त्यांच्या निवडीबद्दल जळगाव शहरातील मान्यवरांनी आणि जेसीआय सदस्यांनी अभिनंदन केले आहे.
