जळगाव – (प्रतिनिधी) -जनजागृती व शिक्षण उपक्रम अंतर्गत नेहरू युवा केन्द्र जळगाव यांचे वतीने “रस्ता सुरक्षा -माझी सुरक्षा -माझी जबाबदारी “या विषयावर विशेषकार्यक्रमाचे आयोजन मु जे महाविद्यालय जळगाव येथे दि 17 फेब्रुवारी 2020 सकाळी 10.00 वा सोहम हाँल येथे करण्यात आले आहे. राष्ट्रीय सेवा योजना विभाग उत्तर महाराष्ट्र विद्यापीठ यांच्या विशेष सहकार्याने या कार्यक्रमाचे आयोजन होत आहे. जिल्हाधिकारी यांच्या प्रमुख उपस्थितीत या कार्यक्रमाचे आयोजन केले असुन कबचौ उत्तर महाराष्ट्र विद्यापीठाचे प्र कुलगुरू डॉ पी पी माऊ़लीकर कार्यक्रमाच्या अध्यक्षस्थानी असणार आहे. तर उप प्रादेशिक परिवहन अधिकारी मार्गदशन करणार आहे. या विशेष कार्यक्रमाचे आयोजन व नियोजन दिशा समाज प्रबोधन बहुउद्देशीय संस्था जळगाव करीत असून या महत्वपूर्ण उपक्रमा अंतर्गत “रस्तासुरक्षा -युवा संकल्प अभियानाचा शुभारंभ जिल्हाधिकारी डॉ. अविनाश जी ढाकणे करणार आहेत. रस्ता सुरक्षा भित्तीचित्र (पोष्टर) प्रकाशन व रस्ता सुरक्षा स्वाक्षरी मोहीम या वेळी होणार आहे..
जिल्हायुवा समन्वय नरेन्द्र सर व राष्ट्रीय सेवा योजना संचलक डाँ पंकजकुमार नन्नवरे यांच्या संकल्पनेतून होण-या या उपक्रमात युवकांनी सहभागी व्हावेे. असे अवाहन दिशा समाज प्रबोधन बहुउद्देशीय संस्थेचे विनोद ढगे यांनी केले आहे..