<
जळगांव(प्रतिनिधी)- येथील मौलाना आझाद अल्पसंख्याक फाऊंडेशन या संस्थेच्या वतीने निखील जयंतीभाई ठक्कर यांना भारतरत्न मौलाना आझाद आदर्श समाजसेवक पुरस्कार २०१९-२० या पुरस्काराने सन्मानित करण्यात आले. निखील ठक्कर यांनी केलेल्या उत्कृष्ट समाजकार्याची दखल घेत तसेच ते गरीब गरजूंना करत असलेल्या अन्नदानाच्या कार्याची दखल घेत त्यांना जळगांव येथे नियोजन भवन जिल्हाधिकारी कार्यालय या ठिकाणी आदर्श पुरस्कार सन्मान सोहळा या कार्यक्रमात त्यांना ग.स.सोसायटीचे अध्यक्ष मनोज पाटील व महाराष्ट्र राज्य मराठी पत्रकार संघाचे जिल्हाध्यक्ष प्रवीण सपकाळे व मौलाना आझाद संस्थेचे अध्यक्ष फिरोज शेख यांचा हस्ते सन्मानित करण्यात आले. निखील ठक्कर यांना पुरस्कार मिळाल्याबद्दल त्यांचे सर्वत्र कौतुक करुन अभिनंदन केले जात आहे.
