जागतिक महिला दिना निमित्त राष्ट्रवादी युवती काँग्रेसतर्फे कर्तृत्ववान महिलांचा सन्मान

जळगांव(प्रतिनिधी)- जागतिक महिला दिना निमित्त  रविवार 8 मार्च रोजी राष्ट्रवादी युवती काँग्रेसतर्फे दिव्या यशवंत यांच्या अध्यक्षतेखाली जागर स्त्री शक्तीचा… संवाद दौरा हा कार्यक्रम घेण्यात आला. त्यात वेगवेगळ्या क्षेत्रातील 5 कर्तृत्ववान महिलांचा मोगाऱ्याचे रोप व पुस्तक भेट देऊन सन्मान करून पर्यावरण संवर्धनाचा संदेश देण्यात आला. आपले कार्य प्रामाणिकपणे व धडाडीने पुढे नेण्यात ज्या महिलांचा मोलाचा वाटा असतो अश्या महिलांची निवड पुरस्कारासाठी केलेली होती. अश्या महिलांच्या घरी जात, त्यांची भेट घेत त्यांचा आजवरचा प्रवास जाणून घेण्याचा प्रयत्न केला व त्यांना त्याच्या पुढील कार्यास शुभेच्छा दिल्या. याअंतर्गत सामाजिक क्षेत्रातील प्रणाली सिसोदिया, शैक्षणिक क्षेत्रातील सविता भोळे, कला क्षेत्रातील कादंबरी चौधरी, क्रीडा क्षेत्रातील रागीनी चोपडे, पत्रकारिता क्षेत्रातील दीपाली नाईक यांचा समावेश होता. यावेळी राष्ट्रवादी युवती काँग्रेस उत्तर महाराष्ट्र समन्वयक दिव्या यशवंत, ऐश्वर्या पाटील, खुशी भोसले, कल्पिता पाटील(युवती जिल्हाध्यक्ष), इरफान पिंजारी(सामाजिक कार्यकर्ता), सकाळ YIN चे जिल्हा सचिव प्रणिल चौधरी व महाराष्ट्र राज्य युवा संसदेचे मुख्यमंत्री गिरीश घनःशाम पाटील आदी सदस्य उपस्थित होते.