उत्राण येथील रेणुका महाजन दामिनी पुरस्काराने सन्मानित

कासोदा ता.एरंडोल ( सागर शेलार ) – चोपडा येथे जागतिक महिला दिनानिमित्त चोपडा तालुका इलेक्ट्रॉनिक मीडिया आयोजित दामिनी पुरस्कार वितरण सोहळा कार्यक्रमात उत्राण ता.एरंडोल येथील रेणुका अमोल महाजन यांना चोपडा तालुका इलेक्ट्रॉनिक मीडियाच्या वतीने दामिनी पुरस्कार 2020 ने सन्मानित करण्यात आले.सदर पुरस्कार फिल्म प्रोड्युसर मिसेस ग्लोबल वर्ल्ड प्रिन्सेस साऊथ आफ्रिका व शांतीदूत परिवार राष्ट्रीय अध्यक्षा अनिता राठोड यांच्या शुभहस्ते देण्यात आला.या कार्यक्रमाचे अध्यक्ष महाराष्ट्र विधानसभा मा.अध्यक्ष अरुणभाई गुजराथी तसेच उद्घाटक मा.आमदार कैलास पाटील , मा.जि.प.सदस्य इंदिरा पाटील यांच्या प्रमुख उपस्थितीत देण्यात आला.रेणुका अमोल महाजन या उत्राण ग्रामपंचायत सदस्य अमोल गोविंदा महाजन यांच्या पत्नी आहेत.हा पुरस्कार मिळाल्याणे त्यांचे सर्वत्र कौतुक व अभिनंदन होत आहे.