उस्मानाबाद(प्रतिनिधी)- राष्ट्रवादी युवती काँग्रेसच्या प्रदेशाध्यक्ष तथा जि.प.सदस्य कु.सक्षणा सलगर यांनी मतदारसंघातील गरोदर माता, स्तनदा माता, नवजात बालिका यांच्या आरोग्याविषयी रूग्ण कल्याण समितीत संवाद साधला. ICDS प्रकल्पातील कामांचा आढावा घेतला. मतदारसंघात नवजात बालिकेचे स्वागत चांदीचे पैजन बेबी केअर किट देवून केले. स्तनदा माता व गरोदर माता यांच्या आरोग्याविषयी जागरूक राहून त्यांना विशेष लक्ष देण्याची गरज आहे. कुपोषण मुक्त जिल्हा परिषद सर्कल होत असल्याचा आनंद आहे. मुलींचा जन्मदर वाढला आहे. आजच्या बैठकीत मातेने दवाखान्यात बाळाला जन्म दिल्यावर त्या मातेची संपूर्ण काळजी ही आपल्या आरोग्य केंद्राची नैतिक जबाबदारी आहे. त्यामुळे तिचे जेवण व तिचे स्वागत उत्साहात झाले पाहिजे यासाठी मातेच्या नावाचे एक झाड व बाळाच्या नावाचे एक झाड, मातेला साडीचोळी, शाल व एक क्रांतिकारी ऐतिहासिक लढावू स्त्रीचे आत्मचरित्र पुस्तक भेट द्यावे, असे ते यावेळी बोलत होते.
