जळगाव-(प्रतिनिधी) – येथील काशीबाई उखाजी कोल्हे विद्यालयातील शिक्षक गौरव सुभाष भोळे यांना अखिल भारतीय भारतीय श्री गुरुदेव सेवा मंडळाच्या केंद्रीय प्रचार कार्यालय गुरुकुंज आश्रम जि.अमरावती (महाराष्ट्र) यांच्या वतीने पूज्य साने गुरुजी राष्ट्रीय आदर्श शिक्षक पुरस्कार जाहीर करण्यात आला आहे.लवकरच पुरस्काराचे वितरण करण्यात येणार आहे.
याबद्दल श्री.गौरव भोळे यांचे सर्वत्र अभिनंदन करण्यात येत आहे.संस्थेचे अध्यक्ष-श्री.बापूसाहेब विजय कोल्हे, चिटणीस श्री.अवधूत पाटील, उपचिटणीस श्री.एस.डी.खडके सर, मुख्याध्यापिका सौ.जे.आर.गोसावी मॅडम, उपमुख्याध्यापक श्री.ए.व्ही.ठोसर सर, पर्यवेक्षक श्री.एच.जी.काळे सर व सर्व शिक्षक शिक्षकेतर कर्मचारी यांनी अभिनंदन केले आहे.
