<
नागरिकांनो काळजी घ्या घरा बाहेर पडु नका–डाॅ.राजेश सोनवणे
जामनेर-(अभिमान झाल्टे) – देशासह जळगांव जिल्ह्यात व कोरोना आजाराची साथ मोठ्या प्रमाणात वाढुन रुग्णांची संख्या भविष्यात वाढण्याची शक्यता लक्ष्यात घेता त्यावर प्रतिबंधात्मक व उपचारात्मक सेवा देण्याकरता आरोग्य विभागातील व खाजगी वैद्यकीय सेवेतील मनुष्यबळ कमी पडण्याची शक्यता असल्याने पर्यायी व्यवस्था निर्माण करण्याचा दृष्टीने मा. मुख्यमंत्री सो. यांच्या व्हिडीओ कॉन्फरसिंग मधील दिलेल्या सुचनांच्या आधारे मा. जिल्हाधिकारी सो.यांच्या आदेशानुसार 20 आशा स्वयंसेविका व 32 अंगणवाडी सेविका यांना आपत्तीव्यवस्थापन नियंत्रण, उपचार याबाबत तालुका आरोग्य अधिकारी डॉ. राजेश सोनवणे यांच्या कडून व बालविकास प्रकल्प अधिकारी आय. सी. गोयल यांच्याकडून प्रशिकक्षण देण्यात आले. पंचायत समिती चे गटविकास अधिकारी डी. एम.लोखंडे यांच्या अध्यक्षतेखाली सदर प्रशिक्षणाचे आयोजन करण्यात आले.
जामनेर नगरपालिकेचे गटनेते डॉ.प्रशांत भोंडे यांनी येणाऱ्या आशा व अंगणवाडी सेविका यांना हात धुण्यासाठी पाण्याचे टँकर ,साबण, बादली उपलब्ध करून दिलेत.
संपूर्ण देशभरात लॉक डाऊन असतांना ये जा करण्यास कोणतेही वाहन उपलब्ध नसतांना सदर प्रशिक्षणास 20 आशा व 31 अंगणवाडी सेविका उपस्थित होत्या.त्यांचे तहसीलदार अरुण शेवाळे यांच्या कडून कौतुक करण्यात आले.
आलेल्या प्रशिक्षणार्थी यांना एक ते दीड मीटर अंतरावर बसवण्यात आले होते व सोशल डीस्टनसिंग पाळण्यात आले आहे प्रत्येकाला बाहेर साबणाने हात स्वच्छ धुवूनच प्रवेश देण्यात आले.
.प्रत्येक प्रशिक्षणार्थ्यास मास्क,पोस्टर,
महितीपुस्तिका व जनजागृती पत्रके वाटण्यात आले.
सदर प्रशिक्षणामध्ये रुग्ण संख्या वाढल्यास आशा व अंगणवाडी सेविका यांना नर्सिंग म्हणून काम करायचे आहे. त्यामुळे कोरोना आजार काय आहे त्याची लक्षणे, उपचार, स्वतःची घ्यावयाची काळजी, पी.पी.ई. कसे घालायचे कसे काढायचे त्याची विल्हेवाट कशी लावावी व ग्राम पातळीवर सरपंच,पोलिस पाटील,ग्रामसेवक, तलाठी यांच्या मदतीने नागरिकांची जनजागृती व समुपदेशन कसे करावे. नागरिकांची मानसिकता कमकुवत होणार नाही याबाबतच्या उपाययोजना व प्रतिकार शक्ती वाढविण्यासाठी संतुलित आहार याबाबत सविस्तर मार्गदर्शन करण्यात आले.
बशीर पिंजारी ,आशा कुयटे, नरेंद्र तव्वर,राजू माळी यांचे प्रशिक्षणास अनमोल सहकार्य लाभले.
