<
चाळीसगाव(प्रतिनिधी)- देशावर सध्या कोरोना विषाणूच्या महामारीचे संकट पसरले आहे. यावर संपूर्ण देशासह राज्याने एकमेव उपाय म्हणून लॉक डाउन करण्यात आला आहे. तसेच कोरोनाची सध्याची परिस्थिती लक्षात घेता अजून १५ दिवसांसाठी लॉक डाउन वाढवण्यात आला आहे. अशा परिस्थितीत गरजूंना एक आधार म्हणून राष्ट्रवादी युवती काँग्रेस कडून जेवण देत मदतीचा हात देण्यात आला आहे. प्रसंगी, चाळीसगाव राष्ट्रवादी युवती काँग्रेस युवती तालुकाध्यक्ष हेमांगी मनोज शर्मा यांनी सोशिअल डिस्टंसिंगचे नियम पाळत त्या लोकांचे हाथ धुवून व त्यांच्या हातावर सेनिटायजर लावून त्यांना अन्न वाटप केले. तर एक भाकर चार माणस खातात त्यातला एक चतकोर वाटा देण्याच्या मानस त्यांनी घेतला.
