डॉ बाबासाहेब आंबेडकर जयंती निमित्त विद्यार्थ्यांच्या व्हॉट्स ऍप ग्रुप मध्ये विविध स्पर्धाचे आयोजन

इ ७वी तील विद्यार्थिनी किशोरी रडे हिने काढलेले बाबासाहेबांचे चित्र

जळगाव(प्रतिनिधि):- लॉकडाउन असल्याकारनाने डॉ बाबासाहेब आंबेडकर यांच्या जयंती निमित्त त्यांना अभिवादन करण्यासाठी प्रगती विद्यामंदिर शाळेचे शिक्षक मनोज भालेराव यांनी नविन्यपूर्ण महामानवाला अभिवादन देण्यासाठी विद्यार्थ्यांच्या  व्हॉट्स ऍप ग्रुप मध्ये विविध स्पर्धांचे आयोजन केले.यात त्यांनी वकृत्व,गीत गायन,कविता गायन व लेखन,चित्रकला अशा स्पर्धांचे आयोजन केले.यात त्यांनी विद्यार्थ्यांसोबत पालकांचाही समावेश करून घेतला.यात विविध चित्र असतील गायन केलेले असतील त्याचे फ़ोटो व व्हिडिओ व्हॉट्स ऍप ग्रुप ला पाठवावे अशी विनंती केली. या अशा अनोख्या स्पर्धेच्या आयोजनामुळे विद्यार्थ्याना तसेच त्यांच्या पालकांना या लॉकडाउन च्या काळात आज डॉ बाबासाहेब आंबेडकर यांना विनम्र अभिवादन देता आले आणि आज नविन काहीतरी शिकता आले व सुप्तगुणांना वाव देता आला याचा त्यांना आंनद झाला तसेच आपल्या पाल्यातील कौशल्य जवळून बघता आले. या उपक्रमाचे कौतुक शाळास्तरावर मुख्याध्यापक,सर्व शिक्षक तसेच पालक करीत आहेत.