विरोदा(किरण पाटिल)- जागतिक महामारी कोरोना विषानूच्या मुक्त होण्यासाठी सरकार आणि प्रशासन सर्वोपरी प्रयत्न करीत असून खा. रक्षाताई खडसे यांनी देखील याकामी आपल्या निधीतून १ कोटी रुपये पंतप्रधान सहायता निधीसाठी दिला असून फैजपूर शहरात त्यांनी दोन हजार मास्क वाटप करण्यासाठी पाठविले असून फैजपूर नगरपालिका, नगरसेवक, ग्रामीण रुग्णालय, डॉक्टर, पोलीस स्टेशन, महावितरण, पत्रकार, बँक, वृत्तपत्रे वाटणारे, कार्येकते, सामाजिक कार्यकर्ते, महिला मंडळे, आदी सार्वजनीक संपर्कातील नागरिकांना ही मास्क वाटप करण्यात आली. प्रांताधिकारी डॉ अजित थोरबोले, नगराध्यक्षा महानंदा होले, नपा मुख्याधिकारी किशोर चव्हाण, डी.वाय.एस.पी. नरेंद्र पिंगळे, सपोनी प्रकाश वानखेडे, महावितरण अधिकारी, यांच्या कडे सुपुर्द करीत शहरवासीयांची काळजी घेत असल्यामुळे आभार देखील मानून स्वतः ची काळजी घेण्याचा व प्रत्येकानेच कोरोना योद्धा होणे ही काळाची नितांत गरज असल्याचा खा. श्रीमती रक्षाताई खडसे यांचा संदेश देखील दिला. या कामी भाजपा शहराध्यक्ष अनंता नेहेते, ता उपाध्यक्ष नितीन नेमाडे, संजय रल, संजय सराफ यासह सर्व पदाधिकारी व नगरसेवक, आदी परिश्रम घेत आहे.
