जळगाव – (प्रतिनिधी) – येथे दिनांक १२.०६.२०२२ रोजी शिंपी समाजाच्या बैठकीत, शिंपी समाजाचे मनोरमाबाई चंद्रकांत जगताप मंगल कार्यालय येथे अखिल भारतीय श्री क्षत्रिय अहीर शिंपी समाजाचे राष्ट्रीय अध्यक्ष श्री वनेशजी खैरनार यांचे मार्गदर्शनाखाली अखिल भारतीय शिंपी समाज युवक आघाडीचे अध्यक्ष श्री.रुपेशजी बागुल यांच्या अध्यक्षतेखाली तसेच अखिल भारतीय महिला आघाडीचा अध्यक्षा सौ.सुषमाताई सावळे, मुख्य खजिनदार श्री.दिलीप कापडणे, तसेच जळगाव शिंपी समाज हितवर्धक संस्था अध्यक्ष श्री.राजेंद्रकुमार सोनवणे, उपाध्यक्ष श्री.विवेक जगताप, श्री.मनोज भांडारकर,माजी समाजाध्यक्ष श्री.शिवाजीराव शिंपी, कोषाध्यक्ष श्री.संजय जगताप तसेच मान्यवर पदाधिकारी यांच्या प्रमुख उपस्थितीत घेण्यात आली. सदर बैठकीत जळगाव येथील रहिवासी श्री.संदीप मनोहर सोनवणे यांची अखिल भारतीय श्री.क्षत्रिय अहिर शिंपी समाज युवक आघाडी ” कार्याध्यक्ष ” या पदावर निवड करण्यात आली. समाजातील युवकांसाठी त्यांचे रोजगार,शिक्षण,तसेच विवाह विषयक प्रश्न या संदर्भात भरीव कार्य करण्याचा मानस या प्रसंगी श्री.संदीप मनोहर सोनवणे यांनी व्यक्त केला आहे. त्यांचे अखिल भारतीय शिंपी समाजाच्या सर्व स्तरातून शुभेच्छा देऊन अभिनंदन करण्यात येत आहे!
