पाळधी-(प्रतिनिधी) – आज दि. 15 ऑगस्ट 2022, इंपिरियल इंटरनॅशनल स्कूल येथे स्वातंत्र्याचा दिनाच्या अमृतमहोत्सव निमित्ताने ध्वजारोहण चा कार्यक्रम उत्साहात साजरा करण्यात आला. हया प्रसंगी प्रमुख पाहुणे म्हणून माजी सैनिक श्री ज्ञानेश्वर सुधाकर जगताप यांची उपस्थिती होती. कार्यक्रमाची सुरुवात भारत माता पूजनाने झाली. माजी सैनिक श्री ज्ञानेश्वर जगताप, भारतीय सैनिक श्री गजानन नंनवरे, शाळेचे अध्यक्ष श्री नरेश चौधरी यांच्या हस्ते ध्वजारोहण करण्यात झाले.
स्वातंत्र्याचा अमृतमहोत्सव साजरा करताना अनेक मान्यवर आज कार्यक्रमाला उपस्थित होते. शाळेचे संचालक श्री पी. डी. चौधरी, श्री रविंद्र चौधरी, शोभा चौधरी शाळेच्या प्राचार्य परवीन खान , समन्वयक जी.डी.पाटील सर्व शिक्षक व शिक्षिका उपस्थित होते . विद्यार्थ्यांचा उत्साह पावसात देखील भरभरून होता. स्वातंत्र्याचा अमृत महोत्सव साजरा करताना विद्यार्थ्यांनी अनेक सांस्कृतिक कार्यक्रमांचे सादरीकरण केले, वर्ग नववीच्या विद्यार्थ्यांनी ‘मंगल पांडे- एक क्रांतिकारक’ हे नाटक सादर केले. संगीत शिक्षक आणि विद्यार्थीनी मिळून वेगवेगळी देशभक्तीपर गीते सादर करून वातावरणात नवचैतन्य आणले.तसेच विद्यार्थिनींनी देशभक्तीपर गीतांवर नृत्य सादर करून सर्वांची मने जिंकली . इयत्ता पहिली ची विद्यार्थिनी तनुश्री चौधरी हिने ‘नन्ना मुन्ना राही हू, देश का सिपाही हु’ हे आपल्या गोड आवाजात देशभक्तीपर गीत गायले. चैतन्य व उत्साह पूर्ण वातावरणात स्वातंत्र्य दिन साजरा करण्यात आला. या प्रसंगी शिक्षिका वर्षाराणी पाटील यांनी सूत्रसंचालन केले.
