जळगाव येथे कोरोना पॉझिटिव्ह महिलेने दिला जुळ्या मुलांना जन्म

जळगाव, (प्रतिनिधी)- जळगाव येथे कोविड रुग्णालयात दाखल असलेल्या कोरोना पॉझिटिव्ह महिलेने आज 4 वाजून 38 मिनिटांनी जुळ्या मुलांना सुखरूप जन्म दिला आहे. या दोन्ही नवजात बालकांना दवाखान्यातच आई पासून दूर ठेवत आयसुलेट करण्यात येणार आहे.

जळगाव शहरातील एका गर्भवती महिलेचा कोरोना रिपोर्ट दि 9 रोजी पॉझिटिव्ह आला होता. या महिला रुग्णावर जळगाव येथील कोविड रुग्णालयात उपचार सुरु असतांना आज 4:38 मिनिटांनी दोन जुळ्या मुलांना जन्म दिला आहे. यशस्वी प्रसूती करण्यात डॉ. नरेंद्र पाटील यांना डॉ. आकाश टोकरे, भूलतज्ज्ञ डॉ. संदीप पटेल, डॉ. काजल साळुंखे, डॉ. जितेंद्र भोळे, परिचारिका निबांळ्कर यांच्या सह इतर स्टाफ चे सहयोग मिळाले.

दोन्ही बालकांना करणार आयसुलेट

जन्मलेल्या दोन्ही बाळांची प्रकृती चांगली असून त्यांना आई पासून दूर ठेवत आयसुलेट करण्यात येणार आहे. आईचे कोरोना रिपोर्ट निगेटिव्ह आल्यानंतरच बाळांना आई जवळ एकत्रित करता येणार असून काळजी म्हणून दोघा नवजात बाळांचे कोरोना तपासणी साठी नमुने घेण्यात येणार असल्याचे डॉ. बनसोडे यांनी सांगितले.