जळगाव – (प्रतिनिधी) – महाराष्ट्र कामगार कल्याण मंडळ, ललित कला भवन जळगाव यांच्यातर्फे डॉ. बाबासाहेब आंबेडकर यांच्या जयंतीनिमित्त दिनांक 14 एप्रिल रोजी आयोजित कविसंमेलना म.फुले, राजर्षी शाहू आणि डॉ.बाबासाहेब आंबेडकर साहित्य मंचच्या निमंत्रित कवींनी आंबेडकरी विचार प्रवाहाच्या कविता सादर केल्या.
कार्यक्रमाच्या अध्यक्षस्थानी मंचचे अध्यक्ष आर जे सुरवाडे हे होते. प्रमुख पाहुणे म्हणून सुखदेव वाघ आणि महाराष्ट्र कामगार कल्याण मंडळाचे निरीक्षक भानुदास जोशी व्यासपीठावर उपस्थित होते.
या वेळी ज्योती वाघ, चित्रा पगारे, संतोष साळवे, किशोर नेवे, कुशल दुसाने, पुष्पा साळवे, रमजान जी. तडवी, प्रभावती पाटील, शहानुर बी तडवी, सुखदेव वाघ, आर.जे. सुरवाडे आदींनी कविता सादर केल्या.
