जळगांव(प्रतिनिधी)- भारतीय राष्ट्रीय युवा परिषदेच्या उत्तर महाराष्ट्र प्रदेशाध्यक्ष पदी चाळीसगाव येथील राहुल वाकलकर, प्रदेश उपाध्यक्ष पदी यावल तालुक्यातील शिरसाड येथील तेजस धनंजय पाटील तसेच जळगाव जिल्हाध्यक्ष पदी जळगाव येथील प्रतीक्षा मनोज पाटील यांची निवड करण्यात आली. निवडीचे पत्र कौन्सिलचे महाराष्ट्राचे अध्यक्ष डॉ. त्रेविनिकुमार कोरे, उपाध्यक्ष अजिंक्य मोरे व सचिव कमलेश सोनवणे यांच्या हस्ते देण्यात आले. या निवडीबद्दल सर्व पदाधिकाऱ्यांचे सर्वत्र कौतुक होत आहे. संपुर्ण देशासाठी राष्ट्रीय एकात्मतेसाठी काम करून राष्ट्रीय युवा परिषदेच्या वतीने सामाजिक , सांस्कृतिक व शैक्षणिक उपक्रम राबविणार आहेत. या कामी त्यांना इतर पदाधिकारी व सदस्य यांचे सहकार्य होणार आहे.
