जामनेर(शांताराम झाल्टे)- तालुक्यातील देऊळगाव ग्रुप ग्रामपंचायत अंतर्गत समाविष्ट गाव पळासखेडा काकर येथे मुख्यमंत्री ग्राम सडक योजनेअंतर्गत मंजूर असलेले काम चालू आहे. चालू असलेल्या कामात रस्त्याचे व पुलांचे काम अतिशय निकृष्ठ दर्जाचे असून नियमबाह्य झालेले आहे.
याबाबतचे सर्व पुरावे असून यापूर्वीही पंचलिंग देवस्थानी चालू असलेले पुलाचे निकृष्ठ काम युवासेनेने बंद केले होते. तरी संबंधित ठेकेदाराचे बिल गठीत करण्यात यावे व कामाची विभागीय चौकशी होऊन ठेकेदारावर गुन्हा दाखल करावा अशी मागणी शिवसेना-युवासेनेकडून प्रधानमंत्री ग्रामसडक योजना महाराष्ट्र ग्रामीण रस्ते विकास संस्था उपअभियंता जळगाव यांच्याकडे करण्यात आली तरी कामाची चौकशी होऊन संबंधित ठेकेदारावर योग्य ती कारवाई न झाल्यास शिवसेना स्टाईलने आंदोलन करण्यात येईल असा इशारा दिला.
यावेळी माजी युवासेना उपजिल्हाप्रमुख ॲड.भरत पवार, युवासेना उपतालुका प्रमुख रोहन राठोड, शिवसेना ग्रामपंचायत सदस्य वंदना राठोड, युवासैनिक सचिन राठोड आदी पदाधिकारी उपस्थित होते.
