जळगांव(चेतन निंबोळकर)- गिरणा गौरव प्रतिष्ठान च्या वतीने दरवर्षी शैक्षणिक क्षेत्रात उत्कृष्ट कामगिरी करणार्यांचा पुरस्कार देऊन सन्मान करण्यात येतो. यावर्षी देखील रोटरी भवन येथे हा कार्यक्रम आयोजित करण्यात आला. गिरणा गौरव प्रतिष्ठान व एस.के.डी.चँरिटेबल ट्रस्ट यांच्या संयुक्त विद्यमाने शिक्षणात उल्लेखनीय कार्य करत भरिव योगदान देणार्या शिक्षकांना साने गुरुजी आदर्श शिक्षक पुरस्कार देऊन गौरवण्यात आलं. यात शहरातील खुबचंद सागरमल विद्यालयाचे क्रिडा शिक्षक, महाराष्ट्र राज्य हौशी जिमँस्टीक संघटनेचे महाराष्ट्र उपाध्यक्ष तसेच राष्ट्रीय हरित सेनेचे मास्टर चेअरमन प्रविण पाटील सर यांना साने गुरुजी आदर्श शिक्षक पुरस्कार देऊन सन्मानित करण्यात आले. त्यांनी आपल्या शैक्षणिक व सामाजीक क्षेत्रात उत्कृष्ट कार्य केल्यामुळे त्यांना हा पुरस्कार मान्यवरांच्या हस्ते देऊन सन्मान करण्यात आला. त्यांना मिळालेल्या पुरस्काराबद्दल त्यांचे सर्वत्र कौतुक होत आहे.
