जळगांव – (प्रतिनिधी) -येथे आज दिनांक ४ रोजी बुधवार सकाळी ९ वाजेच्या सुमारास प्रिंप्राळा रेल्वे गेटवर ऑन ड्युटी गेटमन श्री. सुहास पाटील आपली ड्युटी बजावत असतांना एक वयोवृद्ध महिला अचानक पणे दोन्ही रेल्वे ट्रॅक च्या मध्ये उभी राहिली. त्यावेळी अप आणि डाऊन रेल्वे येत होते याचे गांभीर्य लक्षात घेवून गेटमन पाटील यांनी प्रसंगावधान दाखवत आपले सहकारी चाबीदार युनूस याच्या मदतीने त्या महिलेला रेल्वे ट्रॅक च्या बाहेर काढले व प्रशासनास कळवून पुढील कार्यवाही केली.आशा प्रकारे महिलेचा जीव वाचवून सुहास पाटील यांनी पुन्हा एकदा कर्तव्य बजावत असताना माणुसकी दाखवून दिली. या आधी देखील त्यांनी आत्महत्या करणाऱ्या अनेकांना वाचविले आहे,त्यामुळे त्यांना रेल्वे प्रशासन कडून पुरस्कारही मिळाला आहे.त्यांच्या सुस्वभावाचे व या कार्याचे शहरात सर्वत्र कौतुक होत आहे.
