जळगांव(प्रतिनिधी)- येथील बालविश्व इंग्लिश मीडियम स्कूलमध्ये स्वातंत्र्य दिन उत्साहात साजरा करण्यात आला. प्रसंगी शासनाने आखून दिलेल्या नियमावलीचे काटेकोर पालन करुन ध्वजारोहण करण्यात आले. तसेच स्वातंत्र्य दिनाचे औचित्य साधत विद्यार्थ्यांसाठी ऑनलाईन उपक्रमाचे आयोजन करण्यात आले होते.
यामध्ये जळगाव पोलीस अधीक्षक कार्यालयातील पोलिस उपनिरीक्षक अनिल गोरे, सहाय्यक फौजदार संजय मराठे, पोलीस बिनतारी संदेश विभागाचेअमित माळी यांनी मुलांना मार्गदर्शन केले. यात विद्यार्थ्यांना पोलीस विभागाविषयी माहिती देण्यात आली. यात शिस्त, संरक्षण, सुरक्षा, पोलिस दलातील कामकाज, वेगवेगळे विभाग, सकस आहार, व्यायाम, विद्यार्थी मार्गदर्शन पालकांच्या शंकांचे निरसन, सुरक्षेविषयी मार्गदर्शन केले. यात विद्यार्थ्यांच्या वेगवेगळ्या प्रश्नांची उत्तर देऊन समाधान केले. कार्यक्रमाच्या यशस्वीतेसाठी प्राचार्य भारती चौधरी व शिक्षक वृंदांनी परिश्रम घेतले तर आभार मृणालिनी कुरंभट्टी यांनी मानले.
