जळगाव(एस. पी. सुरवाडे) – गेल्या कित्येक वर्षांपासून जळगाव तहसील कार्यालय हे आपल्या नावाचा बोर्ड केव्हा लागेल याची वाट पाहतेय. कित्येक तहसीलदार बदली होऊन आले आणि गेले असतील पण या विषयाकडे कोणाचे लक्ष जाऊ नये हे दुर्दैवचं म्हणावे लागेल. तालुकाभरातून रोज याठिकाणी शेकडो लोकं कामानिमित्त येत असतात त्यांची गैरसोय होते. मात्र आपण ज्या कार्यालयात बसतो. शासनाने दिलेल्या गाडीवर, दरवाजा, तसेच आपल्या टेबलावर नेम प्लेट बरोबर लावतो. तशीच पाटी कार्यालयावर का लावत नाही असा साधा प्रश्न एकाही तहसीलदाराला पडू नये. याचे आश्चर्य वाटते. महसूल विभाग किती उदासलेला आहे हे या प्रकारावरून लक्षात येते. तसेच आमचे प्रतिनिधी यांनी तहसीलदार यांना फोनवरून संपर्क साधला असता त्यांनी फोन न उचलण्याने प्रतिक्रिया मिळू शकली नाही.
दरम्यान जळगाव तहसील कार्यालयावर नावाचा बोर्ड लावण्यात यावा अशी मागणी जोर धरू लागली आहे.
