धुळे-(प्रतिनीधी) -येथील डॉ पा.रा घोगरे महाविद्यालयातील शेख सामिया इलियास हिला कवयित्री बहिणाबाई चौधरी उत्तर महाराष्ट्र विद्यापीठाच्या २८ साव्या पदवी प्रदान समारोहात बी. एससी. भौतिकशास्त्र विषयात प्रथम क्रमांक आणि सुवर्णपदक मिळाल्याबद्दल महाराष्ट्र मनियार बिरादरीतर्फे प्रदेश अध्यक्ष फारुख शेख व प्रदेश सचिव डॉ.अल्तमश हसन यांच्या हस्ते शाल, पुष्पगुच्छ व ट्रॉफी देऊन सत्कार करण्यात आला. याप्रसंगी शेख सामियाचे पालक इलियास गफूर यांचासुद्धा जळगांव येथील अस्थिरोग तज्ञ डॉ. अनीस शेख यांच्या हस्ते सत्कार करण्यात आला. यावेळी बिरादरीचे सलीम शेख, हारून शेख,डॉ. अल्तमश शेख , डॉ. रईस कासार, डॉ. फिरोज शेख,तैयब इब्राहिम, जाहिद हुसैन, ऍड. आमिर फारूक, इस्माइल गफूर, कासिम शेख आदी उपस्थित होते. याचे समाजातील लोकांकडून विशेष कौतुक केले जात आहे.
