फैजपूर(किरण पाटील)- सर्व जगात कोरोना विषाणू ने थैमान घातलेले असून दिवसेंदिवस संख्या वाढत आहे.तरी पण प्रशासन सर्वतोपरी प्रयत्न करीत असून एकेकाळी महाभारतातील पाच पांडवांनी असंख्य कौरवांना हरवून ठार केले आणि विजय मिळवला होता.आजच्या परिस्थितीत देवरूपी डॉक्टर, नर्स,पोलिस, वीज कर्मचारी, सफाई कर्मचारी.हे सर्व महाभारतातील पांडव योद्धा प्रमाणे लढा देत आहेत, व स्वतःचा जीव मुठीत धरून रात्रंदिवस मानवांचे प्राण वाचवण्यासाठी संघर्ष करीत आहेत.काही योद्धा ना आपले प्राण सुद्धा गमवावे लागले.या देवरूपी पांडवांचा एकच उद्देश कोरोनाचा नायनाट करणे.त्यास हरविणे,अशी पांडवांची संकल्पना एस.बी.चौधरी,हायस्कूल, चांगदेव येथील कलाशिक्षक राजू साळी यांनी आपल्या कल्पकतेने कुंचल्याद्वारे पोष्टर कलर माध्यमातून 34×24 इंच आकारात पैंटींग तयार करण्यात आली.सदर पैंटींग मध्ये “डॉक्टर, नर्स,पोलिस वीज कर्मचारी, सफाई कर्मचारी यह महाभारत के पांडव योद्धा कोरोना को हरायेगे और भारत को जितायेगे”! या घोषवाक्य द्वारे आकाशातून पांडव पृथ्वीवर कोरोनाला हरविण्यासाठी येत आहेत.पांडवांच्या हातात शस्त्रे दाखवण्यात आली आहे,विशेषतः भारताचा झेंडा विजयी होऊन आकाशात दाखवला आहे.राजू साळी यांनी पैंटींग मध्ये वातावरण निर्मितीचा भास दाखवण्याचा प्रयत्न केलेला असून पैंटींग बघितल्यावर खरोखरच आकाशातून देवरूपी पांडव पृथ्वीवर येत आहेत. आतापर्यंत साळी यांनी कोरोना विषयावर जनजागृतीवर जास्त भर दिलेला आहे.जास्तीत जास्त लोकांनी घरातच राहा,सुरक्षित राहा,मास्क वापरा, स्वतःची व परिवाराची काळजी घ्या, सोशल डिशटिंगचे पालन करा, हाच त्यांचा जनजागृतीचा उद्धेश आहे.
