धरणगाव (स्वप्निल सोनवणे) – शिवसेना-भाजपा महायुतीचे उमेदवार गुलाबराव पाटील यांनी जोरदार शक्ती प्रदर्शन करीत बुधवारी जळगाव ग्रामीण मतदार संघासाठी आपला उमेदवारी अर्ज दाखल केला.अर्ज दाखल करण्यापूर्वी धरणगाव शहर हे संपूर्ण भगवेमय झाले.यावेळी ढोल-ताशांच्या गजरात भव्यदिव्य अशा रॅलीद्वारे पाटील यांनी ‘न भूतो न भवितष्यती’ असे जबरदस्त शक्तीप्रदर्शन करत विरोधकांना घाम फोडला.यावेळी जिल्हाभरातील कार्यकर्त्यांचा ‘अफाट’ अशा जनसमुदायाने संपूर्ण धरणगाव शहर व्यापले होते.
यावेळी झालेल्या मेळाव्यात गुलाबराव पाटील यांनी ‘विरोधक आपल्यावर कितीही आरोप करू देत,विजय हा सत्याचाच होईल.कधीकाळी आपल्या ताटात जेवणाऱ्यांवर आपण कधीच टीका करणार नाहीत.त्यांना तिकडेही (इतर पक्षांत) प्रयत्न करू द्या.पण आपल्यासारखे प्रेम त्यांना कुठेच मिळणार नाही.शेवटी त्यांना आपल्याकडेच यावं लागेल.’असे वक्तव्य करत विरोधकांना प्रेमळ भाषेत घाम फोडण्याचे काम केले व यासोबतच जनतेचे आशिर्वाद घेतला.तर सेनेचे जळगाव जिल्हा संपर्कप्रमुख संजय सावंत यांनी ‘२४ आॕक्टोबरला आपण विजयी मेळावा काढूया’ असे प्रतिपादन करताच शिवसैनिकांमध्ये उत्साह भरला.यावेळी जिल्हाध्यक्ष गुलाबराव वाघ यांच्यासह सेना व भाजपाचे जिल्हाभरातील सर्व नेते,पदाधिकारी व आबालवृध्द,महिला समर्थक मोठ्या प्रमाणावर उपस्थित होते.
