जळगाव – (प्रतिनिधी) – स्वातंत्र्यांचा ७५ वा अमृत महोत्सव या उपक्रमा अंतर्गत डॉ. पंकज आशिया मा. मुख्य कार्यकारी अधिकारी जिल्हा परिषद जळगांव यांचे मार्गदर्शनानुसार तसेच श्री. एस. बी. सोनवणे गट विकास अधिकारी पंचायत समिती, जळगांव यांचे संकल्पनेनुसार पंचायत समिती,जळगांव येथील सर्व विभागाचे अधिकारी व कर्मचारी यांनी पंचायत समिती, जळगांव कार्यालयातुन जन जागृती रैली व्दारे जनतेच्या मनात स्वतंत्र्य लढयाच्या स्मृती तेवत रहाव्यात व देशभक्तीची जाज्वल्य भावना कायम स्वरुपी मनात रहावी त्यांचे संस्मरण व्हावे या उददेशाने भव्य तिरंगा रॅलीचे आयोजन करण्यात आले.
सदर शोभायात्रा पंचायत समिती कार्यालय जळगांव येथुन सकाळी ९.०० वाजता निघून नेहरू चौक, लालबहादुर शास्त्री चौक मार्गे मौजे आसोदा ता. जि. जळगांव येथे गावात प्रभात फेरी करून खान्देशकन्या कवियीत्री बहिणाबाई चौधरी यांचे स्मारकास पुष्पमाला अपर्ण करुन अभिवादन करण्यात आले तसेच डॉ. बाबासाहेब आंबेडकर व श्री. छत्रपती शिवाजी महाराज यांचे पुतळयास माल्यार्पण करून तिथे सामुहिक राष्ट्रगीत गायन करून कार्यक्रमाचा समारोप करण्यात आला. यावेळी आसोदा येथील सर्व ग्रामस्थ व पत्रकार बंधु मोठया संख्येने उपस्थित होते.
