भडगाव : तालुक्यातील अंजनविहिरे येथे शेतातील कैऱ्या तोडल्याच्या कारणावरून शेतमालकासह सालदाराने दलित समाजातील एका अल्पवयीन मुलाला दोन तास झाडाला
बांधून ठेवल्याची घटना उघडकीस आली असून मोबाईलमध्ये व्हिडिओ काढून तो व्हाट्सअपवर व्हायरल करण्यात आला.या प्रकरणी पोलिसांनी शेतमालक गोपी उर्फ विवेक रवींद्र पाटील व सालदार प्रवीण पावऱ्या (दोघे रा.अंजनविहिरे,
ता.भडगाव) यांना अटक केली आहे.
याबाबबत सविस्तर वृत्त असे की
पीडित अल्पवयीन मुलगा 12 वीच्या शिक्षणासाठी अंजनविहिरे येथे मामांकडे आला असून 5 जून रोजी तो
त्याच्या आजीची औषधी घेऊन गिरड गावातून घरी परत जात असताना त्याने गोपी पाटील याच्या शेतातील झाडाच्या कैऱ्या तोडल्यानंतर सालदाराने जाब विचारत शेत मालकाला घटना सांगितल्यानंतर दोघांनी मुलाला मारहाण करीत दोराच्या सहाय्याने चिकूच्या झाडाला बांधले व त्याबाबतचा व्हिडिओ
व्हॉट्सअपवर व्हायरल केला. हा प्रकार पीडित मुलाने घडलेला
प्रकार मामा व आजीला सांगितल्यानंतर दुसऱ्या दिवशी 6
जूनला याप्रकरणी भडगाव पोलीस स्टेशनला तक्रार दाखल करण्यात आल्यानंतर आरोपींविरुद्ध अॅट्रासिटी कायद्यासह इतर कलमान्वये गुन्हा दाखल करण्यात आल्यानंतर आरोपींना अटक करण्यात आली.असुन याबाबत पुढील तपास चाळीसगांव विभागाचे डि.वाय.एस.पी कैलास गावंडे हे करीत आहे.
