पाळधी/जळगांव(प्रतिनीधी)- सूर्याफाऊंडेशन संचलित, नोबल इंटरनॅशनल स्कुल पाळधी येथे आद्यशिक्षिका सावित्रीबाई फुले यांना त्यांच्या जयंती निमीत्त अभिवादन करण्यात आले. याप्रसंगी स्कुलच्या अध्यक्षा सौ. अर्चना सूर्यवंशी व श्री. प्रशांत सूर्यवंशी यांनी सावित्रीबाई फुले यांच्या प्रतिमेस पुष्पहार अर्पण करून अभिवादन केले. या वेळी शाळेतील मानसी चव्हाण, योगिता कोळी, आरुशी कुमावत, कुंदन चव्हाण, सुवर्णा पटिल इत्यादी विद्यार्थ्यांनी सावित्रीबाई फुले यांनी कश्या प्रकारे अवघड परिस्थितीत भारतात स्त्रियांच्या हक्काचे प्रतिनिधीत्व करतांना विविध प्रकारचे कष्ट केले व स्त्रियांच्या शिक्षणासाठी केलेल्या कार्याची महती विद्यार्थ्यांना समजावून सांगितले व सावित्रीबाई फुले यांच्या जिवन चरित्रावर आपली मते मांडली. कार्यक्रमाचे सूत्रसंचालन प्रतिभा शिवदे यांनी केले. या वेळी योगेश करंदीकर, उज्वला झंवर यांच्या सह शाळेतील शिक्षक व शिक्षकेतर कर्मचारी या उपस्थित होते.
