कासोदा ता. एरंडोल ( सागर शेलार )-येथुन जवळच असलेल्या आडगाव येथील दत्तात्रय इच्छाराम महाजन ( वय ३२ ) हा दि २४ रोजी ४ वाजेच्या दरम्यान पाटचारी न ७ येथे म्हशी चारत होता.म्हशी पाण्याकडे जात होत्या म्हणून तो म्हशींना वळवत असतांना त्याचा पाय घसरला व तो पाटचारीत जाऊन पडला. पाटचारीची उंची ७ ते ८ फुट उंच असल्याने त्याचा प्राण वाचविणे अयशस्वी ठरले.सध्या पाटाचे पाणी सुरू असल्याने तो पाण्याच्या प्रवाहात गेल्यामुळे बेपत्ता झाला होता , मात्र पाट बंद करून ७ ते ८ तास झाले तेंव्हा पाण्याची पातळी खालावली व शोध घेतला असता , येथील शेतकरी लहू मोरे यांच्या शेताजवळ त्याचा मृत देह आढळून आला.त्याच्या पश्चात वडिल , पत्नी , मुलगा, मुलगी, भाऊ असा परिवार आहे. तरूणाचा मृत्यू झाल्याने गावात हळहळ व्यक्त होत आहे.याबाबत कासोदा पो. स्टे. ला आकस्मित मृत्युची नोंद झाली आहे.
