जळगाव – आज जगभर कोरोना व्हायरसने धुमाकुळ मांडला असताना प्रत्येक नागरिकांने एकमेकांना सहाय्य करणे आवश्यक झाले आहे. कोरोनाच्या या काळ्याकुट्ट सावटात केवळ चर्चा करण्यापेक्षा जळगाव शहरातील इंजिनिअर पंकज साळी यांनी एक पाऊल उचलले असून, त्यांनी समाजातील गरीब व गरजू कुटुंबियांना अन्नधान्य व किराणा सामान देण्याचे ठरविले. मात्र लॉकडाऊनचे पालन करीत घराबाहेर न पडता आज (दि.१२) जिव्हेश्वर युवक मंडळाचे अध्यक्ष राजेंद्र खेडकर, दिलीप आखडकर, गणेश भोगरे या पदाधिकाऱ्यांकडे हे सामान सुपूर्त केले आहे. याप्रसंगी इंजिनिअर पंकज साळी यांचे पिता सेवानिवृत्त जिल्हा परिषद कर्मचारी व ज्येष्ठ रंगकर्मी रविंद्र साळी उपस्थित होते.
