सांगली विशेष – महाराष्ट्र हे कायद्याचा धाक असणारे राज्य अशी भारतभर ओळख आहे. देशातील इतर राज्यांच्या तुलनेत कायदा आणि सुव्यवस्थेचा प्रश्न हा इतर राज्याच्या तुलनेत तसा कमी असतो. पण मात्र आज उपमुख्यमंत्री अजित पवारांच्या स्वीय सहाय्यकाच्या भावाचीच हत्या झाल्याचे समोर आले आहे. यामुळे महाराष्ट्रात पुन्हा कायदा व सुव्यवस्थेचा प्रश्न निर्माण झाला आहे.
अजित पवारांचे स्वीय सहाय्यक गजानन पाटील यांचे बंधू आनंद पाटील यांची आज दि.०२ रोजी संध्याकाळी हत्या झाल्याचे समोर आले आहे. हत्येचे कारण अजूनही अस्पष्ट असले तरी वैयक्तिक कारणास्तव हत्या झाल्याचा अंदाज वर्तविण्यात येत आहे. महाराष्ट्रात आता कायद्याचा धाक संपला आहे का? असा प्रश्न याठिकाणी उपस्थित होत आहे. यासंदर्भात अजून कुणालाच ताब्यात घेतलेले नाही. परंतु यामुळे सांगली जिल्ह्यात एकच खळबळ उडाली आहे. पोलीस घटनेचा तपास करीत आहेत.
