जळगाव – (प्रतिनिधी) – विद्युत मंत्रालय भारत सरकार ऊर्जा संरक्षण राष्ट्रीय अभियान २०२४ अंतर्गत आयोजित ऊर्जा संरक्षण राज्यस्तरीय चित्रकला स्पर्धेचे मुंबई येथील एस. एन. डी. टी महिला महाविद्यालय येथे आयोजन करण्यात आले होते. के.सी.ई.सोसायटी संचलित ओरिऑन इंग्लिश मिडिअम स्टेट बोर्ड स्कूल जळगाव या शाळेचा इयत्ता ६ वी चा विद्यार्थी कु. तनिष्क नटराज कळेल याने या स्पर्धेत आपला सहभाग नोंदवून रोख रक्कम रु.२००० व उपयोगी शालेय साहित्य पारितोषिक स्वरूपात प्राप्त केले.शाळेतील श्री. गोकुळ पाटील सर मुंबई येथे स्पर्धेसाठी तनिष्क सोबत होते व त्यांनी सर्वोतोपरी तनिष्क ला मार्गदर्शन केले.
त्याच्या उत्कृष्ट कामगिरीबद्दल शाळेचे प्राचार्य श्री.श्रीधर सुनकरी सर यांनी त्याचा सत्कार केला.याप्रसंगी उपप्राचार्या श्रीमती रजनी गोजोरेकर मॅडम व सर्व शिक्षक बांधव उपस्थित होते.
