जळगाव -(प्रतिनिधी)-येथील विवेकानंद प्रतिष्ठान संचलित काशिनाथ पालोड पब्लिक स्कूल मध्ये राष्ट्रीय क्रीडा दिवस उत्साहात साजरा करण्यात आला या कार्यक्रमाला शाळेचे मुख्याध्यापक अमितसिंग भाटीया प्राथमिक विभाग प्रमुख डॉ. विनोद पाटील शाळेच्या समन्वयिका स्वाती अहिरराव उपस्थित होत्या.
कार्यक्रमाची सुरवात हॉकीचे जादुगार म्हटले जाणारे मेजर ध्यानचंद यांचे प्रतिमापूजन करण्यात आले. कार्यक्रमाचे सूत्रसंचालन इयत्ता ४ थी विशाल राठोड, रजत पवार, केदारनाथ पुरोहित या विद्यार्थ्यांनी केले. राष्ट्रीय क्रीडा दिवसाचे महत्व निखिलेश सोनवणे या विद्यार्थ्यानी सांगितले इयत्ता ५ वी ची विद्यार्थिनी आर्या चौधरी हि पि.वी.सिंधूच्या वेशात आली होती, तसेच सेजल देव्कीरण पाटील हि हिमादास या खेळाडूची वेशभूषा करून तिचे कार्य विषद केले. शाळेचे मुख्याध्यापक अमितसिह भाटिया यांनी विद्यार्थ्यांना मार्गदर्शन केले. कार्यक्रमाचे नियोजन क्रिडा शिक्षक नरेंद्र भोई धीरज जावडे यांनी केले.
