कासोदा ता.एरंडोल प्रतिनिधी( सागर शेलार ) जगभरात कोरोना व्हायरसचा वाढता प्रभाव पाहून पंतप्रधान नरेंद्र मोदींच्या आदेशाचे पालन करण्यासाठी आज दि. २२ मार्च रोजी तालुक्यातील कासोदा येथे पुर्णतः बंद.
येथील नेहमी गजबजलेल्या बिर्ला चौकात आज सकाळी ८ वाजल्यापासून शुकशुकाट दिसत आहे. जीवनावश्यक सेवा सोडून सर्व दुकाने शंभर टक्के बंद केलेली आहे. तर गावातील ग्रामस्थांसह सर्व व्यापारी वर्गाने कडकडीत बंद पुकारला असून गावातील सर्वेच दुकाने , हॉटेल , पानटपरी बंद ठेवण्यात आले आहेत. तरी या पार्श्वभूमीवर काही ठिकाणी गावातील गावठी हात भट्टीची दारू सुरळीत पणे विक्री सुरू असल्याचे चर्चिले जात आहे.तसेच काही ठिकाणी जमाव बंदीचे उल्लंघन हि होतांना दिसत आहे. अहोरात्र जनतेची सेवा करणारे जनतेचे सेवक कासोदा पोलीस स्टेशन चे स.पो.नि. रविंद्र जाधव यांच्या सह सर्वच कर्मचारी आपली सेवा बजावत असतांना दिसत आहे. सर्वत्र पोलीस प्रशासनाचे कौतुक होत आहे.
कायद्याचे उल्लंघन करणाऱ्यांवर कारवाई व्हावी अशी मागणी गावातील नागरिकांकडून होतांना दिसत आहे.
